هاتصرف ازاي ؟

قعدت مع نفسي من كام يوم اعمل حصر للمهارات الي ممكن تحسن حياتي و تجبلي دخل اضافي ، والحمد لله لاقيتها مهارات كتييييييييير لدرجة اني مش عارف احصرها … زي مثلا :

المدرب احمد جمعة
المدرب احمد جمعة

– بعرف اكتب عالكمبيوتر بسرعة : ممكن اكتب رسائل علمية
– بعرف اتكلم كويس : ممكن اشتغل مسوق لاي شئ
– بعرف اسوق ومعايا رخصة : ممكن اشتغل سواق
– بعرف اشتغل فوتوشوب شوية : ممكن اعمل تصميمات وابيعها
– عندي علاقات في اماكن مختلفة : ممكن اشتغل زي سمسار
– عندي مهارات ادارية وقيادية : ممكن ابقي موظف في شركة
– بعرف اعمل بعض الاكلات الغريبة : ممكن اشتغل طباخ او افتح مطعم
– بعرف اقعد ع النت : ممكن اسوق ع النت او اعمل تدريب اونلاين
– عندي عربية : اشتغل مشاوير للناس او مع شركة
– بعرف اصمم مواقع : افتح شركة تصميم مواقع
– بعرف انزل ويندوز واصلح كمبيوتر : اشتغل في الصيانة
– بعرف اعمل شبكات : اعمل شبكة نت او اصمم شبكات فالشركات
– بعرف افاصل كويس : ممكن اشتري حاجات لحساب الغير

بسم الله ماشاء الله دي مجرد امثلة للمهارات الي ممكن تحسن دخلي وتعملي كيان فالحياة وفي مهارات تانية كتير ربنا وهبهالي وانعم عليا بيها يمكن اكون لسة ناسيها او مش واخد بالي منها لسة … الحمد لله

المشكلة باه ان غالبا الانسان وقت الازمات بيتجاهل المهارات دي كلها ويركز علي المشكلة ويكبرها وبالتالي يحس ان الحياة كلها مشاكل وضيق … وكتير من الناس مفكرة ان النجاح مقترن بس بالشهادات والمؤهلات الدراسية رغم ان كتير من الناجحين مكملوش تعليمهم او حتي مدخلوش مدارس

انا عايزك تبص لنفسك بشكل تاني وتشوف حياتك علي حقيقتها وتدرك قد اية عندك امكانيات ومهارات ربنا انعم عليك بيها وممكن تغير حياتك بس انت الي مش واخد بالك او حتي عارفها بس مش مصدق انها ممكن تفيدك ….

علي كل حال ربنا يوفقك وينور بصيرتك لنفسك ، بس انت انوي بجد وخد خطوة حقيقية في اكتشاف نفسك ، واكتبلنا اية المهارات الي ممكن تحسن حياتك ؟!

وفالنهاية احب افكرك بمقولة لـ بيل جيتس – صاحب شركة مايكروسوفت –
” ليس العيب في ان تولد فقيرا ، ولكن العيب في ان تموت فقيراً ”

م الاخر حياتك اختياراتك

#اكتشف_نفسك
#احمد_جمعة

Facebook Twitter Email

Comments

comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *