وهم الماجستير ، والضحك علي الغير :-) احمد جمعة

فاخر سنة ونص او سنتين او يمكن اكتر وانا معرفش انتشرت كتير اعلانات عن الحصول علي ماجستير او دكتوراة متخصص فالتنمية البشرية وعلومها وتخصصاتها ، وبعد دراسة جادة للموضوع دة اكتشفت انة مافيش شئ فالوجود يسمى بكالوريوس او ماجستير او دكتوراة فالتنمية البشرية
واي حد بيقدم شئ بالاسم دة فهو بيستخدم اسم تجاري لا اكثر ، حتي لو قالك انة هايضيفلك الشهادة دي فالبطاقة الشخصية 🙂 …
والشهادات دي عمرها مابتعتمد من المجلس الاعلي للجامعات فاي دولة فالعالم
وفالحقيقة علم التنمية البشرية علم غير اكاديمي ، وهو عبارة عن خليط من علوم كثير زي (الادارة – علم النفس – الفلسفة -الانثروبولجي- الطب – الدين ……الخ )ولا يدرس كعلم مستقل فالجامعات الحكومية فأي مكان فالعالم ….
ولو فكرت بالمنطق هاتلاقي ان ولا السعر ولا المدة ولا المدربين ولا حتي المواد العلمية حاجات تانية كتير تنفع تكون حاجة (ماجستير او دكتوراة) حقيقة ومحترمة

الكلام دة علي مسئوليتي وانا عارف ان كتير من زملائي المدربين بيقدموا شهادات وكورسات بهذه المسميات ولكن مينفعش ندلس ونضحك علي الناس ونبيع وهم ونستغل احتياج الناس وحبهم للشهادات … #متزعلوش_انا_بهدي_النفوس

وطول مافية مدربين بتبيع ورق وبس يبقي مدربين مش كويسين ومش كفء ، لانك لو لاحظت كل المدربين الناجحين جمهورهم بيجيلهم لسمعتهم ومنهاجهم الكويس وليس الشهادات الي بيقدموها ، لان ببساطة ممكن يكون المدرب نفسة معاهوش الدكتوراة.
وحتي عمرنا ماشوفنا مدرب فالساحة كويس كاتب فالسيرة الذاتية انة حاصل علي ماجستير ولا دكتوراة تنمية بشرية ، ولو كان في مدرب كدة بتتفاجئ انة ممكن يكون مثلا عندة 22 ولا 23 سنة وكاتب الدكتور فلان الفلاني …الخ وهو اصلا احتمال ميكونش لسة اتخرج من كليتة ولا مدرستة الاصلية يعني بالعقل سنة اصغر بكتيييييييييييييييير من انة يحصل علي الشهادات والالقاب دي كلها زي مثلا 5 ماجستير علي 2 دكتوراة. #

وبعدين لو انت عايز تحصل علي ماجستير او دكتوراة محترم وحقيقي روح ادرس فالجامعات الي بجد في تخصصك وهاتحصل علي اللقب (لو هاتموت علية) ، ولو حابب تكون قريب من التنمية البشرية ممكن تتخصص مثلا في (علم النفس او الاجتماع او الفلسفة او التربوي ، او الادارة ، اوالموارد البشرية .، او السلوك التنظيمي…الخ )و ابقي اختار مواضيع الرسالة ومشاريع التخرج في نقط قريبة من مجال التنمية البشرية .

*علي فكرة الدكتور ابراهيم الفقي ، اول ماجستير او دكتوراة اخدها كان متخصص فالفنادق والسياحة ، وبعد كدة خد دراسات في علم النفس والبراسيكولوجي وحصل علي تدريبات وكورسات متخصصة علي يد علماء كتير.
* و الدكتور/ طارق السويدان ، او ماجستير او دكتوراة فالهندسة ، وبعدين بدأ يتخصص ويدرس الادارة بتوسع .

#متصدقوش_الوهم
#احمد_جمعة

شارك المحتوى علي المنصات المختلفة

اترك تعليقاً